Populasyon ng ating bansang pilipinas ngayon 2010?

Answer 1

MANILA - Sumasabay ang paglobo ng populasyon ng Pilipinas sa mga kalapit na bansa sa Asya at tumataas na pangangailangan sa pagkain partikular sa bigas.

Batay sa talaaan ng pamahalaan, ang bilang ng mga Filipino ay umabot sa 88.57 milyon noong Agosto 2007, mas mataas ng 16 porsyento sa 76.50 milyon noong Mayo 2000.

Sa taong 2009, inaasahan na aabot sa 92.22 milyon ang bilang ng mga Filipino. Sa bilang na ito, kokunsumo ang Pilipinas ng 9.75 milyong metriko toneladang bigas, mas mataas sa 9.56 milyong metriko tonelada na inaasahang makokonsumo sa 2008.

Noong 2000, tinatayang komunsumo ang bawat Filipino ng 103.16 kilo ng bigas. Sa bilang ng populasyon na 76.5 milyon, umabot sa 7.89 milyon metriko tonelada ng bigas ang nakonsumo ng bansa.

Ayon kay Augusto Santos, acting director general ng National Economic and Development Authority (NEDA), ang paglobo ng populasyon ay mangangahulugan ng mas maraming pakakainin.

Sinabi ni Santos na ang pagtaas ng populasyon sa nakalipas na dalawang taon ay mas mabilis sa nakalipas na pitong taon. Mas mataas din umano ang pagdami ng mga Filipino sa inaasahang bilang ng 1.95 porsyento ng pamahalaan sa 2010.

Gayunman, ang 2.04 porsyentong population growth rate ngayon ay mas mababa sa 2.34 porsyentong pagtaas na naitala noong 1990-2000.

Ayon kay Santos Hindi babaguhin ng pamahalaan ang polisiya sa populasyon na limitado lamang sa pagpapalaganap ng natural family planning method at responsible parenthood.

Bagaman itinatanggi ng pamahalaan na magkakaroon ng kakulangan sa bigas, inaasahan na dadami ang mga Filipino na aasa sa ibang bansa na inaangkatan ng Pilipinas ng bigas.

Ilang sa mga bansa na pinagkukunan ng bigas ng Pilipinas ay ang United States, China, Vietnam at Thailand. Dahil sa tumataas na pangangailangan sa produkto, tumaas na rin ang presyo nito sa pandaigdigang pamilihan.

Isa ang Pilipinas sa pinakamalakas na mag-angkat ng bigas sa mundo. Sa taong ito, plano ng pamahalaan ng mag-angkat ng 2.2 milyong metriko tonelada ng bigas, pinakamarami sa nakalipas na 10 taon.

Kumpara sa ibang bansa sa Southeast Asia, mas mataas ang population growth rate ng Pilipinas. Ang bilang ng populasyon sa Malaysia ay umangat ng 2.1 porsyento mula 2001 hanggang 2006, habang ang Vietnam ay nakapagtala ng 1.4 porsyento paglobo.

Ang populasyon sa Indonesia at Thailand ay lumobo lamang ng 1.3 porsyento at 0.8 porsyento, ayon sa pagkakasunod.

-tanie 30 :*